Adam átti syni sjö

Eins og flestir vita er fjarnám ekki ókeypis. Nám er vinna. En ekki jafn margir vita að fjárnám er heldur ekki ókeypis. Sjá nánar vef sýslumanna - http://www.syslumenn.is/gjaldtaka/fjarnam/

Gleðileg jól

,,Ég hélt að ég væri fátækur af því að átti enga skó. En svo sá ég fólk sem ekki hafði fætur..."

Gleðileg jól lesendur olaftho.blog.is

Stærsta hópverkefni Íslandssögunnar

Sæl öll,

Kosningar til stjórnlagaþings eru í dag. Stjórnlagaþingið er stærsta hópverkefni Íslandssögunnar. Öll höfum við tekið þátt í hópverkefnum. Fyrirfram þá veit maður ekki hvað kemur út úr slíkri vinnu þar sem í upphafi ekkert hefur verið gert. Autt blað. Meðlimir hópsins hafa mismunandi væntingar og ólíka sýn á verkið. Það getur verið mikill kostur ef að vel tekst til því að þannig fá ólíkar skoðanir að koma fram og allt er rætt. Engin þöggun í gangi. Aftur á móti getur slíkt valdið togstreitu þar sem hver og einn vill að sýn leið verði farin. Þá reynir virkilega á samskiptin í hópnum um að finna ásættanlega lendingu.

Stærsta hópverkefni sem að ég hef tekið þátt í var að móta viðskiptaáætlun, meta arðsemi og framtíðarsýn Green Diamond skónna. Rannsóknir hafa leitt í ljós að Green Diamond sóli gefur 2-3 sinnum meira grip en hefðbundinn gúmmísóli. Green Diamond er íslensk uppfinning og byggir á svipaðri tækni og er notuð við framleiðslu harðkornadekkja. Það hópverkefni tók yfir hundruði klukkustunda hjá hópnum. Hópurinn var vel samstilltur og tilbúinn að víkka sjóndeildarhringinn. Enda ekki á hverjum degi sem að slík byltingarkennd hugmynd er rædd. Afraksturinn hefur heldur betur skilað sér. Í dag er Green Diamond vel þekkt vörumerki og meðal annars eru Cintamani gönguskórnir sem þekktir eru fyrir meira grip en hefðbundnir gönguskór með Green Diamond sóla. 

Vegferðin hefst í dag. Hópverkefnið er hafið. Blaðið er autt. Vonum að eitthvað gott komi út úr þessu. Tíminn einn mun leiða það í ljós.

Ólafur Þórisson 27.nóvember 2010

Kvennafrí = fyllerí

Mánudagur. 25.október. 14:25. Vinna lögð niður hjá konum. Strunsað niðrí bæ. Samstaða sýnd með 50.000 konum (hver taldi þetta?)

Seinna sama dag. Strætó. Leið 1. Ég geng inn í vagninn. Megn vínlykt var um allt. Konur sýndu aftur samstöðu um að bera ábyrgð á þessari lykt. Kvennafríið var bara afsökun fyrir áfengisneyslu. 

Óskar eftir stuðningi

Einn greiði.

Styðjið fjarskyldan frænda minn á stjórnlagaþing.

Ég man ekki hvað hann heitir.

Ég man bara að hann berst fyrir persónukjöri og mannréttindum.

Skuldir sveitarfélaga

Í ljósi þeirra breytinga sem hafa orðið í íslensku efnahagslífi á síðustu mánuðum þá eru sveitarfélög landsins mjög skuldsett. Garðabær stendur sig betur en flest önnur sveitarfélög á höfuðborgarsvæðinu þegar kemur að ráðdeild í rekstri.

Aftur á móti eru menn sammála um það að öll þjónusta í Garðabæ er mjög takmörkuð. Ég tek dæmi. Margir af mínum bestu vinum búa í Garðabæ. Þeir nýta sér ekki einu sundlaug bæjarins (Hefur þú farið í sund í Garðabæ?) heldur fara þeir í sund í nærliggjandi sveitarfélögum á borð við Álftanes, Reykavík eða Kópavog. Það eru fáar verslanir í Garðabæ. Til dæmis er ekki lágvöruverðsverslun í Garðabæ (ég tel ekki Kauptún með). Ekki það að velmegun sé mæld með fjölda lágvöruverðsverslana í grenndinni. 

Ég er einungis að benda á þetta. Aftur á móti er margt mjög jákvætt í Garðabæ. Í Garðabæ er einn fjölbrautarskóli, eitt íþróttalið og einn pizzastaður, Pizzan. Ekki það að velmegun sé mæld með hveiti. Ég er einungis að benda á þetta.  

Ástarbréf

Þrátt fyrir mikla umhyggju þá fær venjulegt fólk ekki lán út á ástarbréf. Algengast er að beðið sé um tryggingar við slíkar lántökur í formi veðs eða ábyrgðarmanns/manna.

Umsókn um nafnbreytingu

Jónas Geir = Er þetta Jón Ásgeir?

Hvern er verið að plata með þessu?

Þessar hrókeringar í ríkisstjórninni minna á upplausn á húsfélagsfundi þar sem enginn vill taka að sér verkstjórn. Eini augljósi tilgangur þeirra er að slá ryki í augu almennings.

Stefnan skiptir máli - ekki einstaklingar

Ísbúðarlánasjóður

Ísbúðarlánasjóður

Umsókn um lán

Ástæða umsóknar: Kaup á stórum bragðaref

Lánsfjárhæð: 990 kr.