Einu sinni á ári

Ég ætla að byrja á því að óska Stjörnumönnum til hamingju með þetta og þá sérstaklega nafna mínum og Fannari sem að stóðu sig frábærlega. En yfir í annað.  Rétt eins og jólin sem eru einu sinni á ári þá sýnir Ríkissjónvarpið körfubolta einu sinni á ári og það er bikarúrslitin.

Enda kom það vel í ljós þegar að hinn annars ágæti lýsir hjá rúv Hjörtur Júlíus áttaði sig ekki á því hvað var að gerast þegar dæmt var uppkast í síðari hálfleik en svo fékk annað liðið boltann "gefins" í kjölfarið. Svo að það sé á hreinu fyrir bikarúrslitaleikinn á næsta ári hjá rúv þá er best að skýra þetta út.

Uppkast fer aðeins fram í upphafi leiks. Tvö lið keppa A og B. Segjum sem svo að A nái boltanum eftir uppkast þá mun B fá boltann í einkasti næst þegar liðin berjast um boltann og dómarinn dæmir uppkast. Í næstu baráttu fær A boltann. Og svo koll af kolli. Liðin skiptast á að fá boltann sem sagt eftir upphafs(upp)kastið.

Að lokum: Hver var á klukkunni á rúv í leiknum? Í tómu bulli allan leikinn. Ég krefst afsagnar. 

Stjarnan er bikarmeistari