NBA deildin - Aldrei verið jafnari!

Eftir framgöngu New Orleans Hornets síðustu 2 vikur hef ég hallast æ meir að því að þeir standi uppi sem meistara í vor. Á síðustu tveim vikum hafa þeir unnið Boston (sem eru með besta recordið), Houston (sem að tóku lengsta runnið), Lakers (sem að hafa verið heitir) og Spurs (meistararnir sjálfir).

Breiddin í Hornets er mikil. Chris Paul verðandi MVP, David West er orðinn 20+ stig og 10 fráköst að meðaltali, Peja er frábær skotmaður, Tyson Chandler er búinn að vera traustur og  Bonzi Wells er X faktor. Auk þess eru þeir með nýliða sem að eru að springa út í Cargo og Wright. Aðrir X-faktorar eru Morris Peterson sá gamli skothundur og Mike James pointari.

Skemmtilegasta liðið er Golden State Warriors. Þeir geta unnið hvern sem er. Baron Davis, Monta Ellis og Stephen Jackson er allt leikmenn sem að geta klárað leiki. Don Nelson. Sóknarbolti. Flestar sóknir eru kláraðar á innan við 10 sekúndum. Þeir skora mest í deildinni, tæp 111 stig í leik en vörnin hjá þeim er ekki upp á sitt besta. Þess vegna fara þeir ekki eins langt og maður hefði vonað.

Meistararnir og mínir menn í SA Spurs eru orðnir gamlir og lúnir. Ef að þeir ná að dusta mesta ryklagið af skónum í úrslitakeppninni þá komast þeir e-ð þar áfram en ekki alla leið. Síður en svo. Vesturdeildin er orðin það skuggalega góð. Þeir gætu dottið út í 1.umferð.

Rifjum upp gamla og góða tíma með Ginobili, sem reyndar hefur verið ljósið í myrkrinu fyrir Spurs í ár :         

DJ Premier á Gauknum - Hápunktur kvöldsins

MGMT - Time to Pretend

Fuglaflensa og óðaverðbólga

Eitt sinn þótti það vera stöðutákn að eiga 2 bíla. En nú eru aðrir tímar. Samkvæmt neysluútgjaldakönnun Hagstofunnar voru voru fleiri en einn bíll á þriðja hverju heimili.

Andrúmsloftið í þjóðfélaginu nú minnir á þegar að fuglaflensutalið fór á sem mest flug. Menn eiga að birgja sig upp á dósamat vegna þess að minnsti fljótandi gjaldmiðill í heimi hefur veikst um rúm 30% frá áramótum. Því eru tveggja stafa verðbólgutölur handan við hornið.

Allar forsíður dagblaðanna eru um krónuna eða verðbólguna. Þeir sem að hafa tekið lán í erlendri mynt munu finna fyrir því um næstu mánaðarmót. Um síðustu áramót voru gengisbundnar skuldir heimilanna tæpir 140 milljarðar íslenskra króna. Eftir gengisfall krónunnar þá er hægt að smyrja 42 milljörðum (30% ofan á þessar 140) á reikning heimilanna. Ég er hræddur að Joe six pack þurfi að fara draga saman seglin. Mun hann gera það? Eða mun hann bæta í yfirdráttinn?

Þessir 140 plús 42 milljarðar eru að mestu hluta í bílum á götunni. 3/4 hlutar þessara lána eru í bílum, það er varla til sá bíll sem að er ekki í jenum eða frönkum hérna. Restin af þessum skuldum eða 1/4 er í erlendum húsnæðilánum. Greiðslubyrði þessara lána hefur vaxið hraðar en bestu stokkarnir síðustu 2 vikur. 100 kallinn verður að 130 kalli um næstu mánaðarmót.

Við hin sem að ekki skuldum í erlendri mynt fáum þessa gengislækkun á endanum, kannski eftir 2-4 mánuði rúllar þetta í verðlagið.

Jæja, hver ætlar að flýja land? Er lífið ekki yndislegt?

Kosningar á Spáni

Sósíalistar hrósa sigri á Spáni

Það er búið að vera virkilega ánægjulegt að fylgjast með kosningabaráttunni hérna á Spáni. Hér hafa götur verið tómar í Alicante. Spenningurinn er á heimilunum sem að krossleggja fingur yfir úrslitum kosninganna. Niðurstaðan er sú að sósíalistar hrósa sigri eftir mikla baráttu. Sigurinn var ekki sannfærandi sem bendir til ákveðinnar valdaþreytu hér í landi.

Þetta er Kristinn R. Ólafsson sem talar frá Alicante.